一家三口移民英國執屋好煩惱　中產港爸︰將大型傢俬電器留低

香港搬屋已經煩，搬去英國就更煩惱。

講到移民，考慮決定，申請程序，教育居住準備，故然係最複雜的事。但當這些事情落實的時候，跟著煩瑣嘅一定係執屋裝箱運送嘅事項。大家可以想像，就算是在香港，無論細屋搬大屋，或者大屋搬細屋，都可以係相當煩惱，亦係對家人間很「惹火」嘅事。何況是連根拔起，由香港搬去另一個國家？

與好多長不大嘅偽中產男士一樣，我係一個收集狂，相機，唱片，舊玩具什麼都儲一大堆，加上老婆同女兒嘅衣物，當年一家人就足足裝了一百箱有多運到英國。

首先大家要明白，英國是不像香港一樣是自由港，原則上所有入口的東西都需要報關，亦有機會打稅。但由於移民是一次性的事，所以有入口稅豁免。大概的程序是這樣的，由於係比較多物品，所以基本上所有移民搬運公司都係提供船運。

由於船運需時大概兩個月，所有裝了箱的「家當」，好有機會比本人早離開香港，而遲一至兩個月到達英國。所以大家執拾的時候，就要考慮什麼物品衫褲鞋等等，留在身邊於未離開香港，又初到英國嘅時候使用。

另外要留意嘅係，除非是國際性大型搬運公司，好多時候香港負責的搬運公司會外判到英國本地的搬運公司處理英國當地接收同搬運嘅事務。以本人同所知的朋友嘅經驗，大家留意每一箱的重量與大細，因為英國的搬運工人同香港的完全不一樣。

每箱太重的話，唔係搬運工人唔肯搬，而係佢地老闆因保險問題而唔願意原箱搬。大家想像下幾十箱嘢，如果要求即時要拆開分細再搬可以幾恐怖。

最後一點小意見就係，千萬唔好誤會英國嘅傢俬電器比香港貴，其實除咗電飯煲同電熱水器之外，基本上所有嘢嘅價錢同香港差唔多（甚至更平）。所以，除非有特別理由，我會勸大家將香港的大型傢俬電器留低，送又好捐又好，免浪費精神時間。

Goodbye HK, Hello UK版主Ben曾經只係一個貪威識食嘅香港「偽中產」，因為一萬個理由，任性地離開香港呢個唔多Comfort嘅Comfort Zone，回到英國生活。分享由香港生存到英國生活，當中嘅每一個細節與日常。

【更多Ben的故事】

中產爸爸帶4歲女兒定居英國：我情願女兒擁有一種地道的英語水平
偽中產爸爸受夠港壓力到英國生活：不希望女兒重複我的生活
移民英國要全家快樂 港爸：在香港永遠賺不夠錢
港爸移民英國鄉郊過真生活：不想女兒只知道錢和樓